तळवेस येथील समाज मंदिराचे नूतनीकरण करण्याची मागणी
उदगीर : येथील तळवेस गल्ली मधील समाज मंदिराची अत्यंत दुरावस्था झाली असून त्याचे तात्काळ नूतनीकरण करावे अशी मागणी रि.पा.इं (आ) युवक आघाडीचे सुशीलकुमार शिंदे यांनी केली आहे.
उदगीर शहरातील पहिले समाज मंदिर हे तळवेस गल्ली येथील समाज मंदिर असून हे समाज मंदिर 50 ते 60 वर्षापूर्वीचे अत्यंत जुने आहे. या समाज मंदिरामध्ये अनेक कार्यक्रम व महिला बचत गटाच्या मिटिंग होतात. या समाज मंदिराची दुरवस्था झाली असून या समाज मंदिराच्या खिडक्या, दरवाजे, तर छतामधून पाणी गळत आहे व आतील भागात पाणी साचत आहे तसेच छत व भिंतीची तर खूपच वाईट अवस्था झाली असून ते कधीही कोसळून जीवितहानी होण्याची शक्यता नाकारता येत नाही तरी याकडे ना. संजय बनसोडे व उदगीर नगर पालीका प्रशासनाने लक्ष घालून तळवेस येथील समाज मंदिराचे तात्काळ नूतनीकरण करावे अशी मागणी रि.पा.इं.(आ) युवक आघाडीचे सुशीलकुमार शिंदे, राहूल कांबळे, नितीन गायकवाड, कपिल शिंदे, अतुल कांबळे, नरेश चांदे राजकुमार माणसे,आकाश गायकवाड आदींनी केली आहे.
