माझा गौरव नव्हे तर तो मराठी भाषेचा गौरव आहे - प्रा.रामदास केदार
उदगीर : साहित्य लेखनासाठी व स्वामी रामानंद तीर्थ मराठवाडा विद्यापीठाच्या अभ्यासक्रमात कवितेचा समावेश झाल्याबद्दल केलेला गौरव हा माझा गौरव नव्हे तर तो मराठी भाषेचा गौरव आहे असे मत साहित्यिक प्रा. रामदास केदार यांनी व्यक्त केले.
वाढवणा येथील शिवाजी कनिष्ठ महाविद्यालयाच्या वतीने मराठी राजभाषा दिनाचे कार्यक्रमाचे औचित्य साधून सत्कार करण्यात आला. अध्यक्षस्थानी महाविद्यालयाचे प्राचार्य मुंजेवार वाय.के .तर प्रमुख पाहुणे म्हणून प्रा. मुधाळे डी.जी. प्रा.पठाण आर. एस. प्रा.दहिफळे एस.पी.मनोज मुळे, हाळणे एस. एस.उपस्थित होते. या वेळी भाषादिनाचे औचित्य साधून प्रा. रामदास केदार यांनी विविध कविता सादर करुन कुसुमाग्रजांच्या साहित्य लेखनावर प्रकाश टाकला. प्रास्ताविक व सूत्रसंचलन प्रा. अनिल मगर यांनी तर आभार प्रा इंद्राळेसर केले. यावेळी महाविद्यालयीन विद्यार्थी व विद्यार्थीनी उपस्थित होते.
