राज्यमंत्री संजय बनसोडे यांच्या वतीने गरजुंना अन्नधान्याचे किट वाटप
उदगीर : संपुर्ण जगभरात कोरोना या संसर्गजन्य रोगाने थैमान घातले आहे. यामुळे शासनाच्या वतीने गेल्या ४० दिवसापासून महाराष्ट्रात लाॅकडाऊन आहे. यामुळे गोरगरीब व कष्टकरी नागरिकांचे हाल होत असुन गोरगरीबांच्या हाताला काम नसल्याने त्यांचे हाल होत आहेत. गोरगरीब कष्टकऱ्यांचा नेता म्हणून राज्यमंत्री संजयजी बनसोडे यांची या मतदार संघात ओळख असुन गरिबांना मदत म्हणून उदगीर मतदार संघाचे आमदार तथा महाराष्ट्र राज्याचे सार्वजनिक बांधकाम, पर्यावरण राज्य मंत्री संजय बनसोडे यांच्या वतीने शहरातील गरजु व गोरगरीब कुटुंबांना अन्नधान्याच्या किटचे वाटप नुकतेच करण्यात आले.
यावेळी गरजुंना किट देण्यासाठी कृषी उत्पन्न बाजार समितीचे सभापती सिद्धेश्वर पाटील, राष्ट्रवादी काँग्रेसचे तालुकाध्यक्ष प्रा.शिवाजीराव मुळे, ज्ञानेश्वर पाटील, पंचायत समितीचे उपसभापती बाळासाहेब मरलापल्ले, अँड.पद्माकर उगिले, पंचायत समिती सदस्य माधव कांबळे, महेश स्वामी, सतिश पाटील मानकीकर उपस्थित होते.
