महात्मा बसवेश्वर यांच्या प्रतिमेस राज्यमंत्री संजय बनसोडे यांच्या कडून अभिवादन
लातूर : कोरोनाच्या पार्श्वभूमीवर देशात व राज्यात लाँकडाऊन परिस्थिती आहे. लातूर जिल्ह्यातही संचारबंदी लागू असून महात्मा बसवेश्वर जयंती पर्यावरण, भूकंप पुनर्वसन ,सार्वजनिक बांधकाम, पाणीपुरवठा व स्वच्छता, रोजगार हमी योजना व संसदीय कार्य राज्यमंत्री संजय बनसोडे यांनी घरीच महात्मा बसवेश्वर यांच्या प्रतिमेस पुष्पहार अर्पण अभिवादन केले.
या संचार बंदीच्या अनुषंगाने आज जगतज्योती महात्मा बसवेश्वर जंयती नागरिकांनी घरीच साजरी करावी असे आवाहन राज्याचे पाणी पुरवठा, पर्यावरण राज्यमंत्री संजय बनसोडे यांनी केले होते. त्याच पार्श्वभूमीवर श्री. बनसोडे यांनी घरातच महात्मा बसवेश्वर यांना अभिवादन केले. बसवेश्वरानी समतेची,मानवधर्माची शिकवण दिली आहे. आज जगावर कोरोना या रोगाचे संकट उभे राहिले आहे. हे संकट आता आपल्या दारात आले असुुन या संकटाला घाबरून न जाता प्रशासनाने सांगितलेल्या सुचनांचे पालन प्रत्येकानी करावे असे आवाहन या वेळी राज्यमंत्री संजय बनसोडे यांनी केले.
