रोकडोबा महाराज तीर्थक्षेत्राला ' ब ' दर्जा मिळवून देणार - जि.प. अध्यक्ष राहुल केंद्रे
अहमदपूर : लातूर जिल्ह्यातील भाविकांचे श्रद्धास्थान जिल्ह्यातच नव्हे तर महाराष्ट्र, कर्नाटक, आंध्रा राज्यातील जनतेचे श्रद्धास्थानअहमदपुर तालुक्यातील परचंडा येथील तीर्थक्षेत्र जाज्वल्य हनुमान श्री रोकडोबा महाराज मंदिरास तीर्थस्थळास भारतीय जनता पार्टीचे युवानेते लातूर जिल्हा परिषदेचे अध्यक्ष राहुल केंद्रे व उपसभापती सज्जन लोनाळे यांनी भेट देऊन रोकडोबा हनुमानाचे विधीवत दर्शन घेतले.
यावेळी त्यांचा सत्कार देवस्थान कमिटीच्या वतीने कापसे मन्मथ, भानुदास कांबळवाड, संगम कापसे, वसंत जाधव, भारत शेळके, आदी पदाधिकाऱ्यांच्या हस्ते करण्यात आले.
यावेळी भाजपाचे माजी अध्यक्ष हनुमंतराव हंडरगुळे यांच्यासह भाजपाचे कार्यकर्ते उपस्थित होते .
सत्कारला उत्तर देताना जिल्हा परिषदेचे अध्यक्ष राहुल केंद्रे यांनी परचंडा येथील तीर्थक्षेत्रास ' ब ' दर्जा मिळवून देणार तीर्थक्षेत्राच्या माध्यमातून मंदिर व परिसराच्या विकासासाठी निधी कमी पडू देणार नाही अशी ग्वाही दिली.
यावेळी उपस्थित नागरिकांनी भाविकांच्या आरोग्याच्या दक्षतेसाठी प्राथमिक आरोग्य केंद्राचे सब सेंटर परचंडा येथे मंजूर करावे अशी मागणी केली तेव्हा अध्यक्ष केंद्रे यांनी सांगितले या तीर्थक्षेत्राच्या विकासाबरोबर परचंडा नगरीचे विकासासाठी जे काही करता येईल त्यासाठी मी सदैव प्रयत्नशील राहणार असून या मंदिरास भविष्यात ' ब ' दर्जा मिळवुन देण्यासाठी प्रयत्न करणार असल्याचे सांगितले.
