शहरात काॅरनटाईन करण्यात आलेल्या नागरिकांना आवश्यक सुविधा उपलब्ध करून देण्यात यावेत - राज्यमंत्री संजय बनसोडे
उदगीर : शहरात बाहेर जिल्ह्यातील तसेच बाहेर राज्यामधून आलेल्या नागरिकांना काॅरनटाईन करण्यात येत आहे.या नागरिकांना सर्व आवश्यक सुविधा उपलब्ध करून देण्याच्या सुचना पर्यावरण राज्यमंत्री संजय बनसोडे यांनी दिल्या आहेत.
कोरोनाच्या पार्श्वभूमीवर उदगीर येथे आज आढावा बैठक घेण्यात आली या बैठकीला लातुरचे अपर जिल्हाधिकारी अविनाश पाठक, उपविभागीय अधिकारी प्रविण मेंगशेट्टी, पोलीस उप अधिक्षक मधुकर, तहसीलदार व्ययंकटेश मुंडे, नगरपालिका मुख्यधिकारी भारत राठोड, पो.नि. महेेेश शर्मा, पो.नि. सोपान सिरसाट उपस्थित होते.
उदगीर शहरात मागील आठवड्यात कोरोना पाँझीटीव्ह रूग्ण आढळले आहेत या पार्श्वभूमीवर शहरात काही कंटेनमेंट झोन तयार केले आहेत तेथे आवश्यक त्या सुविधा घरपोच देण्यात येत आहेत. या झोनमध्ये दूध, पाणी, मेडीकल सुविधा पुरविण्यात येत आहेत. या भागातील सतरा हजार नागरिकांची प्राथमिक आरोग्य तपासणी करण्यात आली आहे. या भागावर व उदगीर शहरावर ड्रोन कँमेरा व सी.सी.टीव्ही ने लक्ष ठेवण्यात येत आहे. शहरात सर्वत्र निरजंतुकीकरण फवारणी करण्यात आली आहे. कोरोना संदर्भात उपाययोजना बाबत निधीची कमतरता पडु देणार नसल्याचे ना.बनसोडे यांनी सांगितले आहे.
पुढील आठवड्यात पर जिल्ह्यातील नागरिक आपल्या जिल्ह्यात व तालुक्यात येतील तेंव्हा प्रत्येकाची तपासणी व प्रत्येकाला काॅरनटाईन करण्यात यावे. विनापरवाना येणाऱ्या प्रत्येकावर गुन्हा दाखल करावा. येणाऱ्या काळात शहरात सुद्धा अँन्टी कोरोना फोर्स तयार करावी. स्वस्त धान्य दुकानातून या महिन्यातील धान्य दोन दिवसात उपलब्ध करून देण्यात यावे. या सोबत पुढील काळात शहरात पाणी टंचाई निर्माण होणार नाही याची काळजी घेण्यात यावी अशा सुचना राज्याचे पर्यावरण, सार्वजनिक बांधकाम (उपक्रम) राज्यमंत्री संजय बनसोडे यांनी बैठकी दरम्यान केल्या.
